One joint force of presidential guards, the elite Special Force Command soldiers and police officers wey dem attached to parliament use force to take pull out different legislator wey no gree on top say make dem lift the age limit from the chambers of parliament on Wednesday afternoon.
The whole gbege start yesterday after one debate on top whether make dem grant long-serving president Yoweri Museveni another term for office or not. The move to extend Museveni rule no gree work as so many people from the civic right activists, the political opposition, religious leaders and even some members of Museveni ruling party oppose am.
On Wednesday, the House proceeding scatter after dem start serious fight between opposition NRM, MPs wey kon make the Speaker adjourn the House.
The the whole katakata wey last for about one hour, na like 30 SFC soldiers wey wear plain clothes enter the chambers to take pick 25 MPs wey the Speaker of the parliament, Rebecca Kadaga name kon suspend dem for three sittings from the beginning of the session ontop say dem engage for disorderly conduct when dem dey do plenary meeting yesterday.
Na Kampala Metropolitan Police Commander Frank Mwesigwa wey dem see with the Inspector General of Police, Gen Kale Kayihura as dem dey patrol the parliament building earlier in the day, command the operation.
Them suspend Ronald Kibuule wey be the State Minister of water wey dem accuse say he carry gun when the house dey do sitting, something wey Kadaga explain say na violation of Rule 74 of the Rules of Procedure.
Kadaga also suspend 23 opposition legislators wey she accuse say dem disobey the house rule as dem engage for chaotic behavior. Dem no go allow them access Parliament wey dey include committee and plenary sittings.
When the speaker direct them say make dem leave the chambers with immediate effect, na only kibuule and another person leave. The opposition legislators no gree leave as dem dey shout Procedure.
But Kadaga no gree as she order say make dem leave immediately or dem go force dem out with officers from the Sergeant-at-Arms. When the MPs no still gree, Kadaga suspend the house for 30 minute.
Na that point Police officers waka enter the chambers to take escorts the MPs out but the legislators instead grab the microphone stands to take scare away the officers.
Some legislators try to pursue the police officers wey kon cause serious gbege as SFC soldiers enter the chamber kon start to dey grab the MPs anyhow. Two people from the MPs jump on top the Table of the House, where dem dey always put the mace with microphone stands kon warned the officers say make dem no touch dem.
One of dem comot em belt kon try to beat the officers with am as other MPs carry chairs to take attack the officers wey be say one of the officers get injury kon start to dey bleed seriously.
He take like two hours before dem see the suspended MPs drag comot for the chambers one by one wey dem kon carry dem go North Wing entrance, opposite National Theatre wey some police pick up trucks dey wait before dem throw them inside the trucks carry them commot.
Na like three MPs faint wey dem don admit them for hospital on top this matter so.
No comments:
Post a Comment