Na like 217 people don die as 7.1 magnitude earthquake happen for Mexico city

According to report, na like 217 people don die as 7.1 magnitude earthquake happen wey cause buildings to collapse for Mexico city.



Na on Tuesday around 1:14pm the earthquake happen, few hours after siren wey dem dey use signal annual earthquake drill for Mexico sound.

Na Governor Graco Ramirez, first tweet say 42 people don die for the state of Morelos wey dey South of Mexico city.

According to media report, the number of people wey die don increase to 217 for the state of Mexico, wey 86 die for Mexico city, 71 for Morelos and 43 for Puebla State.

Plenty buildings don collapse and Government officials yan say na like 21 children and adult don die for the elementary school wey dey the city.